giovedì 22 febbraio 2018

Domenica dell'Ortodossia



PATRIARCATO DI MOSCA
PARROCCHIA ORTODOSSA
“SAN GIOVANNI DI KRONSTADT”
CASTROVILLARI
 Domenica 25 febbraio 2018 - Tono IV
Prima domenica di Quaresima
San Melezio Arc. di Antiochia
San Alessio Metropolita di Mosca e di tutta la Russia

DIVINA LITURGIA ORE 9,30

Tropari :
Светлую воскресения проповедь от Ангела уведевша Господни ученицы и прадеднее осуждение отвергша, апостолом хвалящася глаголаху: испровержеся смерть, воскресе Христос Бог, даруяй мирови велию милость.


Пречистому образу Твоему покланяемся, Благий,/ просяще прощения прегрешений наших, Христе Боже,/ волею бо благоволил еси плотию взыти на Крест,/ да избавиши, яже создал еси, от работы вражия./ Тем благодарственно вопием Ти:// радости исполнил еси вся, Спасе наш, пришедый спасти мир.

Правило веры и образ кротости,/ воздержания учителя/ яви тя стаду твоему,/ яже вещей истина,/ сего ради стяжал еси смирением высокая,/ нищетою богатая./ Отче Мелетие,/ моли Христа Бога/ спастися душам нашим.

Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.

Слава Отцу, и Сыну, и Святому Духу.
Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче, Божественных Таин благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и Церкве нашея украшение, моли Всеблагаго Бога умирити мир и спасти души наша.

И ныне и присно и во веки веков. Аминь.
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву и потщися на умоление, предстательствующи присно, Богородице, чтущих Тя.

Nessun commento: