PATRIARCATO DI MOSCA
PARROCCHIA ORTODOSSA
“SAN GIOVANNI DI KRONSTADT”
Palazzo Gallo - Piazza Vittorio Em.II
CASTROVILLARI - Cosenza - Italia

28 maggio 2020
Вознесение Господне.

Ascensione al cielo di
N.S. Gesù Cristo

DIVINA LITURGIA Ore 9,30

Antifone, Tropari e Megalinario

Антифон 1-й:
Вси языцы восплещите руками, воскликните Богу гласом радования. Молитвами Богородицы Спасе спаси нас.
Яко Господь Вышний страшен, Царь велий по всей земли. Молитвами Богородицы Спасе спаси нас.
Покори люди нам и языки под ноги наша. Молитвами Богородицы Спасе спаси нас.
Взыде Бог в воскликновении, Господь во гласе трубне. Молитвами Богородицы Спасе спаси нас.
Слава Отцу, и Сыну, и Святому Духу.
И ныне и присно и во веки веков. Аминь.
Молитвами Богородицы Спасе спаси нас.

Антифон 2-й:
Велий Господь и хвален зело, во граде Бога нашего в горе святей Его. Спаси нас Сыне Божий, вознесыйся во славе, поющия Ти: Аллилуиа.
Горы Сионския, ребра Северова, град Царя великаго. Спаси нас Сыне Божий вознесыйся во славе, поющия Ти: Аллилуиа.
Бог в тяжестех Его знаемь есть, егда заступает и. Спаси нас Сыне Божий, вознесыйся вознесыйся во славе, поющия Ти: Аллилуиа.
Яко се царие земстии собрашася, снидошася вкупе: Спаси нас Сыне Божий, вознесыйся вознесыйся во славе, поющия Ти: Аллилуиа.

Слава Отцу, и Сыну, и Святому Духу.
И ныне и присно и во веки веков. Аминь.
Единородный Сыне, и Слове Божий, безсмертен Сый, и изволивый спасения нашего ради воплотиться от святыя Богородицы и Приснодевы Марии, непреложно вочеловечивыйся, распныйся же Христе Боже, смертию смерть поправ, Един сый Святыя Троицы, спрославляемый Отцу и Святому Духу, спаси нас.

Антифон 3:
Услышите сия вси языцы, внушите вси живущии по вселенней. Вознеслся еси во славе Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.
Земнороднии же и сынове человечестии, вкупе богат и убог. Вознеслся еси во славе Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.
Уста моя возглаголют премудрость, и поучение сердца моего разум. Вознеслся еси во славе Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.
Приклоню в притчу ухо мое, отверзу во псалтири ганание мое. Вознеслся еси во славе Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.

Тропарь:
Вознеслся еси во славе Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.

Слава Отцу, и Сыну, и Святому Духу.

Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче, Божественных Таин благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и Церкве нашея украшение, моли Всеблагаго Бога умирити мир и спасти души наша.

И ныне и присно и во веки веков. Аминь.

Еже о нас исполнив смотрение, и яже на земли соедниив небесным, вознеслся еси во славе Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами, и никтоже на вы.

Задостойник:
Величай душе моя, вознесшагося от земли на небо, Христа Жизнодавца.
Тя паче ума и словесе Матерь Божию, в лето Безлетнаго неизреченно рождшую вернии единомудренно величаем